«Yangi O‘zbekiston» taraqqiyot g‘oyalarini qo‘llab-quvvatlagan holda, «Avtosanoat Invest» MChJ mamlakatimizning investitsiyaviy jozibadorligini oshirish, innovatsion rivojlanishni jadallashtirish hamda tadbirkorlik muhitini yanada takomillashtirishga qaratilgan barcha tashabbuslarda faol ishtirok etishga tayyor.

Investitsiyaviy g‘oyalar, istiqbolli startap loyihalari bo‘yicha takliflarni qabul qilish va ko‘rib chiqish, biznesning barcha yo‘nalishlari hamda mavjud resurslardan samarali foydalanishga xizmat qiluvchi tashabbuslarni korxonamiz qo‘llab-quvvatlaydi. Shuningdek, innovatsion yechimlar, zamonaviy texnologiyalar va yangi biznes modellarini joriy etishga qaratilgan hamkorlikka ochiq bo‘lib, manfaatdor investorlar, tadbirkorlar, ilmiy muassasalar va boshqa hamkor tashkilotlar bilan o‘zaro manfaatli aloqalarni rivojlantirishga intiladi.

Korxonamiz iqtisodiy o‘sish, yangi ish o‘rinlarini yaratish, mahalliy ishlab chiqarishni rivojlantirish va raqobatbardosh mahsulot hamda xizmatlarni yaratishga xizmat qiladigan barcha istiqbolli tashabbuslarni qo‘llab-quvvatlashga tayyor ekanligini ma’lum qiladi.